ليه بس كده ألف سلامة عليك
المريض: من ساعت ما جات لى حساسية الأنف وأنا مش طبيعى بتنرفز بسرعة ومش مركز فى الشغل وحاسس إنى دايما دايخ كده وحيلى مهدود مش عارف ليه كده؟
الدكتور: كل الأعراض دي فعلا بسبب حساسية الأنف والجيوب الأنفية
بداية المشكلة إن الجيوب الأنفية بتسبب إنسداد فى الأنف فى معظم العيانين
وده بيخليك تتنفس من الفم وده شئ غير طبيعى على جسم الإنسان وبيخلى الأكسجين الواصل للمخ أثناء النوم أقل وبيخلى النوم كمان يكون متقطع
ده معناه إنك فى نومك مش بتنام بشكل كافى ( فى دراسة أثبتت إن الإنسان الذي يحرم من النوم لفترات طويلة بيكون أداء المخ عنده قليل عن الطبيعى بل بيصل إلى مرحلة قريبة من مرحلة الإنسان المخمور) وبكده بتصحى من النوم جسمك مكسر وعايز تنام .
المريض : صح يا دكتور بصحى كأنى مضروب على جسمى كله
الدكتور: وتكرار ده كل يوم بشكل مزمن يؤدى للتوتر والاكتئاب وأمراض نفسية كتير وفى الأطفال يؤدى للتأخر الدراسى
المريض: والحل أيه يا دكتور؟
الدكتور: بسيطة علاج حساسية الجيوب الأنفية بسيط وسهل وبيتكون من أربع خطوات قبل ما أقولهم ليك لازم تعرف أن الأربع خطوات بيكملوا بعض ولازم يتموا سويا
المريض : موافق يا دكتور أنا هاعمل أي حاجة عشان أخلص منها
الدكتور : الخطوات الأربع هم
- نستمر على العلاج الدوائي لفترة من 3 إلى 6 شهور حسب الحالة بعد الكشف وما تقولش زهقت من العلاج أو لما خفيت وقفته من نفسى (لازم الدكتور هو يقول لك توقفه بالتدريج وإمتى توقفه)
- نعمل اختبار حساسية لتحديد مسببات المرض الخاصة بك
- هاقول لك على التعليمات المطلوبة لتجنب مسببات المرض الخاصه بك بعد الاختبار( وتختلف من مريض لآخر)
- تستخدم أمصال الحساسية لعلاج مسببات الحساسية
المريض : ونسبة الشفاء بعد العلاج المتكامل كام فى الميه
الدكتور : النسبة حوالى 80% وحتى ال20% الباقيين يستفيدوا من العلاج والأعراض بتختفى مع كورس العلاج
يعنى مفيش أى داعى أنك تعيش متعذب بالحساسية بينما الحساسية لها علاج
ده حوار يومى فى العيادة مع مرضى حساسية الأنف
مع تمنياتى للجميع بالشفاء
دكتور أسامة عبداللطيف
استشارى ومدرس الحساسية والمناعة . طب عين شمس
81 طريق النصر. ميدان رابعة العدوية
مدينة نصر . القاهرة
01065230155
دكتور أسامة عبداللطيف.استشارى الحساسية والمناعة 